Misquoted

Roj ki tarah Jyoti metro station pahuchi apne office jaane k liye. Aaj roj se thodi jyada bheed thi station per. Waise to Jyoti ladies cabin me chadna prefer karti thi, per aaj first compartment ki jagah per bheed dekh kar usne General compartment me jaane ki sochi.    Train aane me 2 minute dikha rha tha metro ka board, so Jyoti apne phone pe busy ho gyi. Metro ki bheed me, akelepan ka ehsas na ho, isliye apne man pasand gaano ko sunte hue jati thi. To usne apne kaano me head phone ki leads lagai aur gaana search kar liya. Gaane ki beat pe Jyoti ki ungliya tip tap karne lagi. Train apne station pe aa rahi thi. Sab apne bag, purse, dupatta, chashma, sambhalte hue metro me chadne lage. Jyoti ne bhi khud ko push karte hue gate ki doosri taraf wali side me raasta bana liya. Corner ki seat k paas aaram se wo phuch hi gayi. Udti nigaah se aas paas sab dekh kar, gaane pe concentrate karte hue, apni jagah par khadi thi, ki zor ka jhatka maarte hue ek aadmi nikla piche se....