Misquoted

Kaash, tumhara dil bhi aisa paardarshi hota Main basti wahan dhadkano ke bich kahin, Tapan tumhari saanson ki mahsoos karti Ghere rehte mujhe tumhare aagosh me yu Aks mera chupa, tera hi hamnashin hota Kaash, tumhara dil bhi paardarshi hota.. Dard jo mera hai,vo tumase chupa na hota Pyar jo bikharta, vo tujhme hi lipata hota Mein kya kahu ki jo tere dil me hai, saathi Vo mere dil pe bhi vaisa hi likha hota Kaash, tumhara dil bhi paardarshi hota.. Na mujhe hi kuch kehna hota,  Sab kuch dil pe hi likha hota, Tum padh lete mere ankahe lafgz Sidha dil se dil ko hi bayan hota Jo mein kabhi keh nahi paaya tumse Vo lafgz dar lafgz akshara hota Gar tumhara dil paardarshi hota.. Ae Kaash tumhara dil bhi paardarshi hota

Kya tum mujhse ek aakhri baar milogi, please"  "Aakhri baar!! Ye tumne khud hi decide kar liya. Thk hai, aaungi milne". Usne mujhse behad hi simple words me kaha, "main jaanta hu ki maine jo kuch bhi tumhare saath kiya uske baad tum shayad mujhse nafrat karte ho." Me inn shabdon k liye taiyar to thi par jawab nahi tha mere paas.  Maine apna sir hilaya- "Nahi. Bilkul nahi. Apse nafrat karne ka matlab hoga ki mujhe parvaah hai." Wo kuch ajeeb nazaron se mujhe dekhne laga. Wo  aaj mujhe sun raha tha.  "Aur mujhe apni zindagi mein kai baar, zinda rahne ke liye, parvaah karna band karna padega. Aur mera yakin karo, mujhe  nuksaan bhut sara hua hai. Jis jagah par apane aag laga di, sab jala diya, wo dil wo jagah ab sunn hai aur ab koi parwah nahi hai." "To nahi, main tumse nafrat nahi karti. Main tumse pyaar nahi karti. Main tumhe dekhti hu aur Main bas dekhti hi hu Mehsus... kuchh nahi."  Aur uske chehre par jo tha u...